Page 15 - KPA

NOTICIA DI POLIS :

Strandpolitie a tene su

control riba varios punto

di interes

Published on March 22, 2017 in Policial
ORANJESTAD, Aruba

Patruya di strandpolitie a tene dialuna control na Palm Beach, Eagle Beach, Bushiri. Na
Eagle Beach tabatin varios auto y tabatin musica, pero toch no mucho halto,pero asina
mes tabata causa molester. Na Eagle Beach a wordo controla dos biaha, e di dos biaha
ya hopi di e autonan cu tabata tey a bay. Na altura di Amsterdam Manor a topa un
accidente chikito. Personal di TRS a wordo poni na altura di esaki. Durante control na
Arashi, ainda tabatin bishitante eynan. Den e mondi na banda robes di caminda, den
vecindario di e faro, a haya un Huyndai Santa Fe para su so. Durante control, esaki a
mustra na yabi y intacto. Central a wordo poni na altura. Comandante na warda a
wordo poni na altura.

NOTICIA DI POLIS : Ladronnan a drenta den

Euro Lottery

Published on March 22, 2017 in Policial
ORANJESTAD, Aruba

Comandante na warda a manda patruya na Euro Lottery pa un ladronicia. Eynan a
papia cu e dama G., kende a declara cu un caha di metal a wordo horta for di e luga.
Patruya a ripara cu bentana situa na e banda part pariba di e luga a wordo kibra. E
heronan si di e hekwerk parti paden ainda tabata pega na e muraya. Desconocinan
posiblemente lo a haci uzo di un obheto largo y a uza esaki pa schuif e caha na e
bentana pa asina bay cu e caha entre e hekwerk. Den e luga, e tellermachine y algun
documento tabata riba vloer. Paden di e luga, polis a haya un cabo di cuchiu. E delito a
tuma luga entre dia 19 di Maart, 1’or y 50 y 2’or y 10 di marduga. Den e mondi situa
banda pariba di Euro Lottery polis a haya un tas cu un flashlight y otro articulonan cu
posiblemente lo a wordo uza pa e ladronnan. Patruya a confisca esakinan y a hibanan
warda. Riba e mesun dia pa mas of menos 12’or y 15 di merdia, un dama a yama
warda y a declara cu un conoci di dje a haya algun documento di “Raspa’ di su
localidad. El a haya e documentonan aki den e mondi