Page 15 - MIN VOS

Brazil Taekwondo Stichting a reuni cu

Carlos Hernandez di mundotaekwondo

April 3, 2017 Deporte
Share this:

Diahuebs ultimo e directiva di Brazil Taekwondo Stichting a reuni cu Carlos Hernandez di
mundotaekwondo tocante di su plan di entrenamento di e siman cu e ta na Aruba.
Sr. Hernandez a splica tocante di e camp training na luna di November cu ta bay combina hunto cu
Best of the Best 2017 unda lo bay trece 3 pa 4 atleta cu ta den e topnan na mundo. Carlos
Hernandez a bisa cu pa awo e no por menciona e nombernan, pasobra ainda e no a concretisa e
deal pa nan bin duna training aki na Aruba.

Tambe Sr. Hernandez a confirma si cu lo bay tin atletanan for di Colombia, Panama, Venezuela,
Corsou y Surinam. Tur e paisnan aki a confirma caba cu nan ta bay forma parti di e camp training y
Best of the Best 2017 na Aruba. Ta spera pa tin tur cos cla na final di April pa asina cuminsa cu e
promocion di e camp training y Best of the Best 2017.
Durante di e reunion a papia ariba e desaroyo di Brazil Taekwondo Stichting cu ta trahando duro
ariba e biahe pa Korea y e training di e atletanan a subi di nivel caba. Josefa Willems a calcula e
suma cu lo bay costa pa cada atleta bai Surinam na luna di Juni prome cu nan bay Korea. Josefa
Willems a informa tambe tocante di e suma cu tin na Banco y kiko tur mester haci pa asina por yega
na e meta cu ta President’s Cup na luna di October na Las Vegas.

Mirando cu Sra. Danica Delamore no tabata presente a postula varios punto pa e siman aki pa asina
por determina kiko tur lo bay haci pa asina tur hende ta ariba e mesun caminda ta core