Page 7 - MIN VOS

DVG ta confirma epidemia di Zika na

Aruba

Posted on 04/4/2017 10:55 am AST | Updated on 04/4/2017 11:00 am AST

ORANJESTAD – ‘Tin u outbreak di Zika na Aruba’. Palabra di director di DESPA
(Departamento di Salud) Jerry Staring awe mainta na prensa. Cifranan ta
retroactivo, pero ta sali di e punto di bista cu e epidemia aki ta continuo pa awor y
como tal lo trata e situacion como tal. E cifranan ta di februari y a keda confirma
apenas diabierna ultimo. Di hefe interino di e sector di epidemiologia Eugene
Maduro, a confirma cu tin 298 caso di Zika confirma di cual dos ta damanan na
estado. Tambe tin 12 caso confirma di Chikunguya y 1 di dengue. Cifranan ta di dia
30 di maart ultimo.

CIFRANAN CONFUSO

E cifranan mester a wordo ‘reinterpreta’ segun Maduro a splica, debi cu a analisa esaki cu
expertonan Hulandes, cu a pone cu loke antes no tabata considera como un caso positivo,
awor si a bira uno positivo. Tambe uso di mas tipo di test (januari 1 2017 a introduci un
di dos test cu ta uno comercial), cu a pone cu e cifranan a aumenta drasticamente
diripiente. Antes tabata usa solamente e test di PCR. Ademas a notifica cu tin un total di
1185 caso sospechoso raporta, di cual mayoria ta den e districtonan di San Nicolas, Pos
Chiquito, Sta Cruz y Savaneta. E casonan mas hopi tabata registra den hendenan muher,
compara cu homber. Ta sali di e punto di salida cu hende muher ta bay docter mas liher
pa controle. Tambe a registra cu 65% di esnan registra ta entre e edad di 25 y 64 aña. For
di e simptomanan mas registra, 1/3 parti tabata consisiti di keintura, 1/3 di rash y 1/3 di
dolor di cabez.