Page 80 - MIN VOS
P. 80
Asociadonan di Aruba Marriott a duna un man na cas di
anciano St. Michael Paviljoen
Monday, 03 April 2017 16:53
Comparti
Aruba Marriott reciencemente a organisa un acto di caridada unda asociadonan y miembronan di Aruba Marriott
CARE Foundation a pone man hunto pa asina duna cas di anciano St. Michael Paviljoen na Playa un restauracion
bon mereci.
Cuminsando desde 8or di mainta, asociadonan di Aruba Marriott a uni na Paviljoen cu e meta pa hasi e cura
completamente limpi y tambe verf e cafetaria y dos camber. E team a wordo dividi den dos team; un team a enfoca
riba a parti pafor y e otro team a traha paden. Pa 1or di merdia e teamnan a finalisa nan proyecto y hopi contento a
entrega un cura limpi y netjes y tambe dos camber y e cafetaria cu pintura nobo na e clientenan y staff di St. Michael
Paviljoen, kendenan a keda sumamente agradecido na e voluntarionan pa nan tempo y esfuerso como tambe na
Aruba Marriott mes pa a duna e asociadonan e oportuniadad pa hasi e acto di caridad bunita aki durante ora di
trabow y tambe pa a escohe St. Michael Paviljoen pa nan proyecto di Aruba Doet.
Marriott Care Foundation ta conta cu sosten di no menos di 650 empleado di e hotel y casino cu tur luna ta contribui
den un fondo for di nan salario propio pa haci actividadnan manera esaki. Ta yuda diferente fundacion durante aña.
Nan ta haya peticionnan y nan ta evalua cual ta esunnan cu ta pas bon cu e filosofia di e compania. E mesun
empleadonan di e hotel a funda Marriott Care Foundation na aña 1999, cu awor ta contribui na comunidad di Aruba
pa 18 aña caba. Dunando bek na comunidad ta lanta e sintimento di “Spirit to Serve” den cada empleado cu ta
sostene e fundacion door di contribui financieramente y tambe fisicamente.
Aruba Marriott Resort & Stellaris Casino a habri na aña 1995 cu 411 camber. Na aña 1999 a habri Ocean Club cu 311
camber y na aña 2004 a habri Surfclub cu 900 camber. Na tur, e famia di Marriott Aruba ta consisti di mas o menos
1100 empleado den servicio directo y 400 empleado trahando via otro companianan den e compleho di hotelnan. E
compleho di Marriott Aruba ta esun di mas grandi den henter Caribe, tanto den cantidad di camber como den
cantidad di empleado.
