Page 90 - MIN VOS
P. 90
Cruz Cora proyecto “Pan y Sopi” den San Nicolas
Monday, 03 April 2017 15:17
Comparti
Riba diadomingo, 2 di april, Cruz Cora Aruba a tene su prome actividad yama “Pan y Sopi” pa 2017. Esaki ta un
proyecto cu ta wordo organiza hopi aña caba, pero di un manera keto den barionan di Aruba. Pa su 60 aniversario,
Cruz Cora e biaha aki a dicidi di organiza esaki na un lugar central den San Nicolas y invita personanan cu tine dificil
pa acudi na YMCA San Nicolas pa asina haña ayudo.
Ta importante pa bisa cu e fondonan pa e proyecto aki ta bin di e benta den su Charity Bazaar di tur luna y cu ayudo
di varios persona cu a haci donacion di sopi.
Asina a logra riba diadomingo, parti 375 kopi sopi cu pan. Tambe a parti 150 pan cu hotdog na YMCA pero tambe
riba caya na drogadicto ambulante. A duna un total di 500 cup di juice.
Tambe a corta cabey gratis. A setup douche portatil y asina varios hende por a baña y despues voluntarionan a trata
herida unda tabata necesario. Na mes momento, a tuma mas of menos 10 caso social.
Na final di e mainta, a hiba sopi pa varios halfway houses, Centro Colorado y drogadicto ambulante. Y a laga lunch
pa YMCA Traimerdia.
Cruz Cora Aruba kier gradici tur cu e aporta na e bunita proyecto aki y tambe na cada voluntario cu a haci esaki
realidad.
