Page 5 - SJA
P. 5
Circle K Club di Universidad di
Aruba a celebra San Valentino na
Paviljoen
3 March, 2017
0
Circle K Club di Universidad di Aruba a bishita Paviljoen dia di San Valentino y a
trece ambiente pa e grandinan pa celebra e dia aki cu e tesoronan di Aruba.
Como Circle K Club su meta ta pa yuda comunidad, e miembro nan ta organisa
diferente proyecto durante aña y semper ta corda riba nos grandinan. No tin
nada mas satisfactorio cu trece alegria pa nos grandinan.
Cu musica di caha di orgel “Nos Ambiente” di Nelson Sprok, a deleita tur
presente y pa asina baila y gosa di un tremendo dia. Sin laga afo, nos
grandinan a haya un treat di bolo, snacks y co’i bebe. Pa culmina e dia, Circle K
Club a obsekia tur nos grandinan un regalito y asina duna nan e atencion cu nan
merece.
Circle K Club ta encurasha tur persona pa haci un acto di bondad. Un gesto
chikito ta haci un diferencia den un persona su bida.
Circle K Club di Universidad di Aruba kier a gradici pueblo di Aruba pa kere den
e Club y semper ta contribui na e proyectonan. Sin ayudo di nos comunidad
esaki no lo ta posibel.
