Page 29 - AREND JAN 13

Minister Paul Croes: Maneho social di persona cu limitacion
ta dirigi riba mas partipacion y inclusion den comunidad

Thursday, 12 January 2017 18:32
Comparti

Manera Minister di Asuntonan Social, drs. Paul Croes a bin ta anuncia ultimamente, e enfoke di su
maneho pa 2017 ta poni riba fundacionnan cu ta atende cu persona cu limitacion.

E maneho social aki ta dirigi riba crea mas posibilidad di participacion y mas inclusion di e personanan
aki den nos comunidad y como tal menos discriminacion. Naturalmente pa haci esaki, e fundacionnan
mester di e apoyo financiero di, entre otro, Gobierno. Aña 2017 a habri cu un noticia grato pa fundacion
Sonrisa caminda Gabinete Mike Eman a aumenta nan subsidio cu 120 mil Florin bayendo for di 87 mil
Florin pa 207 mil Florin. Di e manera aki Sonrisa por sigui apoya y cuida esnan cu limitacion y sigui haci
e trabou grandi cu nan ta haciendo. “Cada bes cu ta bishita e fundacionnan aki bo ta keda conmovi pa e
trabou importante; un trabou pisa y sigur no facil; di e forma aki nos ta apoya nan,” asina Minister Paul
Croes a duna di conoce.

Fundacion Sonrisa ta envolvi den proyecto di Feria Social e aña aki atrobe caminda hobennan lo bay
conoce e fundacion, traha hunto cu e clientenan y ta ricibi 15 mil Florin pa ehecuta un proyecto na
beneficio di e fundacion. E titular di Asuntonan Social a splica cu “Tur esaki ta esfuerzo cu nos ta haci
dirigi riba e segmento aki di nos comunidad. Ta personanan cu un limitacion; cu no mester wordo exclui,
pero mas bien inclui y nan derechonan respeta. Esey ta e enfasis cu nos lo tin un biaha mas den 2017.”