Page 8 - WEB

10 AWEMainta Diabierna, 2 augustus 2019

City Inspector a hala atencion di esnan

cu ta pomp awa di poz manda den dam

DIAHUEBS por a mira cu funcionarionan di Bureau
City Inspector a ricibi denuncia haci di algo ilegal tu-

mando lugar n’e dam di Tanki Lendert.

Segun e informe di BCI, nan a ricibi un melding di Santa
Rosa, cu ta maneha e damnan na Aruba, cu tin awa su-

shi ta wordo basha den e dam di Tanki Lendert. Nan a

dicidi di bay controla un cas banda di e dam di Tanki
Leendert cu supuestamente lo tin un tubo manda den e

dam y cu ta pomp awa di pos den e dam.

BCI den e control a wordo compaña pa funcionarionan

di KPA, DVG y Santa Rosa. Ora cu nan a yega n’e sitio,

a bin constata cu enberdad a mira un situacion unda tin
un pomp cu ta core yega n’e dam.

Y a constata cu e pomp, of e tubo ta bin di un cas den

becindario.
Nan tur a bay n’e cas en cuestion pa papia cu e doño di

e cas, kende a admiti cu e ta pomp awa di pos di su cas

den e dam.
El a declara cu e pos ta yena liher y pa evita cu cada bes

e mester paga pa chupa e pos, el a scoge pa pomp esaki

den e dam menciona.

Polis a splik’e cu esaki absolutamente no ta permiti. E

mester a kita e tubo di biaha. Polis a tuma su datonan y

a tuma e caso over.
E team aki a consulta cu otro y a keda dicidi cu Depar-

tamento di Salubridad lo bay tuma samples di e awa pa

averigua con hopi e awa di e dam ta contamina.
Despues Departamento di Santa Rosa lo wak con lo bay

saca e awa contamina for di e dam pa ora awa yobe e

awa yobi no wordo contamina.

BCI kier manda un mensahe pa pueblo: “Esnan cu ta

comete e sorto di actonan aki, por fabor stop di haci esaki.
Riba dje e damnan ta practicamente seco y awa casi no

ta yobe. Por fabor no tira sushi tampoco den e damnan.

Ban coopera y tene e damnan limpi pa ora awa yobe e
agricultornan por uza e awa aki pa muha nan matanan.”