Page 11 - AWEMAINTA

Diamars, 8 October 2019 AWEMainta 11

Ban Yuda Koningin Wilhelmina Fonds

Pa: Clyde Harms

DIA 7 di october ta haci net 53 aña cu mi
a yega Tripoli, Libya abordo di un DC9 di

KLM. N’e Aeropuerto Internacional Rey

Idris, mi amigo, ex-colega na Lago y awor
mi hefe, Jim Scott y su señora Joan tabata

sperami. M’a pasa inmigracion y douane
lihe y sin problema.

Despues di deposita mi maletanan na
Libia Palace Hotel, Jim y Joan a hiba mi

Tripoli Riders Club na unda famia Scott
tabata practica e deporte hipismo. Ora cu

Joan a presenta mi na un amiga Mericano,

e señora, hopi emociona, a bisa mi: “Dr.
Mahmoud, mi t’asina contento di topa cu

bo atrobe”. Increibel! Mi tabatin apenas

un ora na Libia y e prome persona cu mi a
topa a tuma mi pa un Arabier! M’a pensa:

“Esaki ta bay ta un estadia interesante”.

N’e momento ey mi no por a imagi nami

cuanto mas interesante e siguiente shete
añanan lo bira. No interesante, interesan-

tisimo! Y e buki “Un Arubiano na Libia” ta

conta di e hopi experiencianan cu a haci e
shete añanan inolvidabel.

Mi ta urgi tur hende pa cumpra e buki. No

pa ami mes, pasobra tur ingreso di benta

di e buki ta bay pa Koningin Wilhelmina
Fonds.

KWF ta yuda preveni y ta combati cancer.

E ta yuda e victimanan di e malesa cruel y
nan famia. KWF tin mester di bo sosten.

Pa celebra e aniversario di mi yegada na
Tripoli, Koningin Wilhelmina Fonds ta of-

rece e buki pa solamente 20 florin. E oferta
ta valido te cu 31 di october. Yega na ofi-

cina di KWF na Spinozastraat, patras di e

Watertoren di Playa y abo lo keda contento
di por duna sosten n’e fundacion.