Page 15 - DIMP

ORANJESTAD (AAN): Segun Parlamentario drs. Mervin Wyatt-Ras di AVP, den
comunidad ta reina malcontento cu cada dia ta bira mas alarmante y ta refleha su mes
den diferente demostracion. Staten a ricibi demostracion di Trai Merdia, Metacorp y
maestronan di school. Tambe Douane a demostra.

Por constata cu e gobierno aki no ta transparente. Gobierno no ta skucha su hendenen
y no ta cumpli cu locual el a priminti. Pues un gobierno cu no ta cumpli cu su
promesanan door di cual su hendenan no ta contento y ta cuminsa subi caya pa

demostra.

E demostracion reciente di trahadornan di Metacorp a indica cu trahadornan ta sinti cu
nan pan di cada dia ta ser menaza. Tur esey tin di haber cu e ley di Serlimar cu a

drenta Parlamento pa ser trata. E “landsverordening” regardando recogimento y
procesamenro di sushi, presenta door di minister Otmar Oduber cu kier a bulldoze e ley
aki.

Den e ley aki lo cobra usuarionan Afls. 7,50 pa piki sushi y Afls. 17.50 pa procesa sushi
(vuilverwerking). Aki esnan cu nan sushi ta ser recohi door di un otro compania cu no
ta Serlimar, den e caso aki Ecotech, lo mester paga Afls. 17.50 extra. Esaki ta un
castigo y medida riba lomba di nos ciudadanonan.

Ademas en bista cu segun e ley Serlimar so lo bay ocupa su mes cu procedamento di
sushi y no otro compania e ley lo duna Serlimar un monopolio y e “cost of doing
business lo bira asina halto cu e otro compania priva lo no sobrevivi. E chens ta alavez

hopi grandi cu lo bay over na kita trahadornan.

Durante e demostracion e trahadornan tabata emocional over di e asunto aki, nan tin
miedo di perde nan trabao. Ta trata di mas di 6.000 cliente cu si nan no keda cu e

compania, esaki lo sufri consecuencianan financiero.
Un otro argumento ta e otro medida di gobierno ariba nos pueblo, cual ta e sugar tax.

Lo trece 33 miyon den caha di gobierno mientras cu esaki lo tin un impacto devastador

ariba cartera di nos hendenan humilde y ariba e compania local cu ta produci refresco
na Aruba.