Page 41 - ATA

Minister Chris Romero A Reuni Cu Aruba Car Rental

Group

 Politica
- 22/07/2019

Recientemente e titular di e cartera di Transporte, Minister Chris Romero, a reuni cu e
grupo Aruba Car Rental Group, cu ta representa 20 compania cu ta huur auto na Aruba.
Intencion di e reunion aki tabata pa Minister Romero scucha e preocupacionnan di e
grupo aki p’asina purba yega na solucionnan fructifero pa ambos partido.

Un di e puntonan di relevancia cu e grupo di Car Rentals a trece na atencion di Minister
Romero tabata e asina yama ‘Invironmental Tax’.

Pero tambe puntonan manera keuring di nan vehiculonan y ki posibilidad tin pa haci e
proceso cana mas liher.

Un otro preocupacion cu e Aruba Car Rental Group a trece dilanti tabata accion cu por
tuma ora cu un turista accidenta cu un auto di huur y con lo por sigura cu nan lo paga e
daño causa n’e propiedad di e compania. Y asina tabatin diferente otro punto cu a wordo
treci na atencion di Minister Romero.

Tabata un reunion cu a bay den un ambiente bastante ameno y Minister Romero a
compromete su mes di traha diligentemente pa por yega na solucionnan factibel pa ambos
banda.