Page 13 - bon-dia-aruba-20190622
P. 13
a13
riba caya Diasabra 22 Juni 2019
Aruba Swimming Federation
cu Campeonato Open Water
na Mangel Halto
ORANJESTAD – Ultimo aña, Federacion di landamen-
to AZB a dicidi cu nan kier organisa un campeonato
di Open Water, cu ta consisti di landa den lama of den
riu cu distancia largo. Diadomingo awor Aruba Swim-
ming Federation (AZB) ta logra esaki, organisando un
campeonato nacional di Open Water 2019 na Mangel
Halto.
Juliette Peterson di comision organisado di Open Water Aruba
2019 a comenta cu aña pasa na december, un grupo di hende
a sigui un curso riba Open Water pa nan sa con por organisa,
kico nan mester haci, y asina nan a dicidi di organisa e evento
aki. E personanan cu lo participa ta personanan cu sa landa y
por landa distancia largo.
Peterson a splica cu esaki ta di tres biaha cu AZB ta organisa
e campeonato aki. Nan a cuminsa e aña aki cu Dia di Betico,
despues Dia di Himno y Bandera y awor pa campeonato na-
cional, cu ta su di tres edicion.
E categoria di landamento cu ta consisti pa un kilometer, tres
kilometer y cinco kilometer, Peterson a informa cu tin reg-
istracion di muchanan di seis aña y hende grandi di 80 aña
cu lo kier participa. Registracion lo cuminsa 6or di mainta di
e mesun dia, y e evento ta caba 11or aproximadamente cu e
premiacion.
El a bisa cu e prome landadonan lo cuminsa landa desde 8or
di mainta, y cu mayoria di biaha nan tin un grupo di 100 atleta
cu ta landa. Personanan cu tin scol di landamento tambe por
registra, y otro cu no tin e conocemento di landa tambe ta
bonbini pa haci su esfuerso.
Juliette Peterson a expresa cu tin algun atletanan di AZB cu
a bay Barbados april pasa pa Carifta 2019, Lucien Peterson a
bay weganan di playa na Rosario Argentina y Ronald Funn ta
bay Barbados pa CCCAN di aña 2019.
Peterson a duna di conoce cu lo tin colaboracion di personal
medico cu lo controla e atletanan, como ambulance pa duna
asistencia.
Aworaki nan ta organisando e otro campeonato cu lo tuma
luga na december, di igual manera Peterson a señala cu esaki
ta un actividad hopi great, cu ta manera un ‘family day’ pa e
comunidad bay apoya tur atleta hoben y chikito.
