Page 18 - AWEMAINTA
P. 18
18 AWEMainta Diabierna, 7 September 2018
AHATA a renoba Cas Marijke di
Stichting Kinderhuis Imeldahof
NA Stichting Kinderhuis Imeldahof a tuma lugar reaper-
tura di Cas Marijke, despues di un bunita renobacion re-
alisa pa Aruba Hotel and Tourism Association (AHATA).
Cas Marijk ta un di e 4 casnan di Stichting Kinderhuis
Imeldahof tin p’e muchanan bou nan cuido.
Stichting Kinderhuis Imeldahof ta un parti grandi di e
sistema disponibel na Aruba pa yuda cu nos probleman-
an social, y AHATA ta orguyoso di por a duna sosten y
haci e experiencia un tiki mas agradabel pa e muchanan.
Stichting Kinderhuis Imeldahof a haci un compromiso cu
e comision di opvoedvisie, cu tin 6 elemento pedagogico.
E proyecto di renobacion ta yuda cumpli cu e elemento
di duna bon proteccion y cuido cariñoso.
Durante e luna di juli y augustus AHATA a traha riba e
proyecto, pa drecha Cas Marijke. Despues di a haci un
inspeccion, AHATA a cuminsa cu trabounan di reno-
bacion. Nan a drecha tur e murayanan di Cas Marijke
paden y pafo, y a pinta a murayanan diferente color
alegre.
E muchanan tabata hopi contento con e lugar a keda.
Turismo y seguridad ta importante pa AHATA, pero tam-
be bienestar di e comunidad, incluyendo nos muchanan.
AHATA ta pensa riba e importancia p’e futuro di Aruba y
p’esey ta contribui cu comunidad pa haci esaki mihor.
Tur cu a yuda den e proyecto aki tabata boluntario, cu a
uni traha riba e proyecto aki cu yen di amor. Ta gradici
empleadonan di Stichting Kinderhuis Imeldahof pa nan
dedicacion y amor ofreci diariamente n’e muchanan aki.
Den luna di september e enfoke di Stichting Kinderhuis
Imeldahof ta riba bouwsteen number un; Lanta bo yiu
den un ambiente safe y cariñoso.
E meta cu Stichting Kinderhuis Imeldahof conhunta-
mente cu AHATA kier a logra den Cas Marijke ta pa crea
un infrastructura safe y crea un ambiente atractivo pa
nos mucha nan. Stichting Kinderhuis Imeldahof ta gradi-
ci AHATA, y specificamente, Vanessa Rasmussen y Luis
Octavio Hoyos p’e bunita gesto y trabou.
