Page 21 - FDLP

Minister Dangui Oduber A Ricibi E Hoben Melanie

Wever

 Featured

 Politica
- 07/08/2018

Dialuna atardi Minister di Turismo Salubridad Publico y Deporte sr. Dangui Oduber
tabatin e honor di por a ricibi e hoben Melanie Wever hunto cu su famia na Cocolishi pa
dune un reconocimento.
Melanie Wever a logra medaya di oro den e Mundial di Equitacion na Ocala, Florida dia
22 di juli den categoria 15-17.
Melanie Wever ta un hoben cu a cuminsa practica e deporte equitacion na un edad di 3
aña y cu 5 aña di edad a representa Aruba den mundial pa su prome biaha.

Awendia Melanie tin 14 aña ta practica e deporte y a logra diferente medaya pa pais
Aruba. E logro nan mas grandi t’e 4 biahanan consecutivo cu Melanie Wever a logra e
medaya di oro. Melanie ta unico persona na mundo cu a logra e titulo aki den forma
consecutivo pa 4 biaha.
Aruba ta un pais chikito, pero cu atletanan talentoso, danki na cada un di e atletanan aki
cu na un forma of otro ta hiba e nomber di pais Aruba padilanti.

Esaki sigur ta un exposicion sumamente unico y impagabel, asina e mandatario a duna di
conoce. Loke tabata hopi remarcabel ta cu Melanie Wever a logra medaya di oro siendo e
tabata den examenklas y a logra su HAVO diploma tambe. Minister Oduber ta manda
palabranan di felicitacion y ta desea Melanie Wever tur clase di exito den futuro.