Page 30 - AHATA
P. 30
Corte: Di 20 caso di bancarota na 2018,
esun di InselAir a hala mas atencion
Posted on 05/13/2019 5:05 pm AST | Updated on 05/13/2019 6:16 pm AST
ORANJESTAD/WILLEMSTAD – Di e 20 casonan di faillisement (bancarota)
y surseances den 2018, esun cu a haya mas atencion y cu a tuma mas tempo, tabata esun
di e aeroliña InselAir International NV. Asina e rapport annual di corte pa 2018 ta bisa.
Dialuna Corte di prome instancia a publica nan rapport annual den cual tin varios
informacion y dato interesante. Y esaki ta un di nan. Segun e rapport, e caso a wordo
sigui for di tur e islanan y region. “E esfuerso di InselAir y e curator pa sigui cu e caso y
haya un candidato pa tuma over, a forma e causa pa varios caso sumario den corte di
prome intancia” e rappor ta bisa. Den e casonan aki a atende e.o. cu e creditornan , y e
extencionan di e surseance a wordo trata y treci pa voto. Manera ta conoci finalmente e
compania e aña aki a haya su faillisement declara pa un huez.
