Page 17 - WEB
P. 17
Diaranson atardi WEB Aruba NV a wordo notifica door di FMSA Fuels Marketing
& Supply Aruba, cu ta supply Aruba cu e heavy fuel oil cu nan tin delay den
cargamento destina pa WEB. E ora WEB a bay over na haci un inventario, tanto
loke tin e tankinan di WEB y tambe esunnan riba tereno di Refineria di
Aruba. A base di esey a bin constata cu si sigui cu e consumo actual, e lo por
yega na un punto hopi delicado. Den palabracion hunto cu FMSA, a yega na un
acuerdo di baha e consumo di fuel oil y lo start up e unidad di emergencia cu ta
core riba diesel. Naturalmente ta bin gasto acerca, cu FMSA lo core cu e
gastonan.
No tin peliger actualmente, e planta ta keda operacional segun Sr. Oduber. Lo
start e gasturbine, na 10 MW. Kisas lo tin mas trafico den e dos pa tres dianan
dilanti nos, caminda e trucknan lo bin pa yena e tankinan. Asina cu e barco
yega den weekend, lo descarga e heavy fuel oil, y lo bay over na e operacion
normal e ora.
SI tur cos bay bon, pa diasabra of diadomingo e barco lo yega. E cargamento no
ta grandi manera usual, pero ta duna WEB suficiente tempo pa warda te ora e
cargamento grandi mes yega.
