Page 34 - AHATA

Minister Romero a trece dilanti cu algun luna pasa pais Aruba a haya un pida basta
grandi di tereno bek, for di e refineria y e tin un waf natural.

E mandatario a señala cu a base cu nan a tuma e grandura di e lugar y e posible

desaroyonan cu lo tuma lugar akinan, a dicidi siman pasa pa trece na Conseho di
Minister un verzoek unda cu ta bay cuminza lanta San Nicolas Port NV.

META DI SN PORT NV:

E meta pa e port aki ta pa cuminza busca e diferente desaroyonan cu por tuma lugar
eynan, pa wak cu e waf natural cu tin na parti pariba di nos Isla, cualnan ta bay cay
bao di San Nicolas Port.

E peticion cu a haci na Conseho di Minister pa habri e port aki a wordo aproba, e
dignatario a subraya. Tin desaroyonan posiblemente na caminda, y un di nan e
facilidadnan pa e fast ferry.

E mandatario, dunando un breve update tocante e proyecto aki, a informa cu nan a
manda un concepto di MOU pa Corsow, y nan ta revisando e concepto aki pa wak con
ta yega na firme, mas pronto posible.

MEGA CRUSERONAN PA S.N:

Den cuadro di tur esaki, minister Romero a bisa, el a presenta un aanbiedingsbrief

(carta di oferta) pa lanta San Nicolas Port, pero no ta specificamente pa e fast ferry.

Minister Romero a splica cu e ta un waf natural y esaki ta bay duna e oportunidad pa
bin cu diferente desaroyo, unda inversionistanan ta bon bini den tur clase, pa cuminza

desaroya otro areanan di San Nicolas, vooral esnan cu ta bay cay bao di San Nicolas
Port.

E mandatario a indica cu tin cruseronan grandi cu no por wordo ubica den e waf di

Oranjestad, y tambe tin barconan di carga cu no por drenta den e waf di Barcadera.