Page 19 - FDLP

A20 DEPORTE
Diabierna 17 augustus 2018

Seleccion di Aruba elimina for di Mundial di baseball

ORANJESTAD - E
seleccion di Aruba ta
cay venci contra ekipo di
Italia y ta keda elimina for
di e Mundial di baseball
na Taylor, Michigan.

Nos muchanan a haci
tur locual tabata posibel
pa por bons bek, pero
lamentablemente no por a
bons bek di e wega, unda cu
e Campeon di Europa/Africa
a sali victorioso cu score di
9-3. Asina a elimina ekipo
di Aruba for di e Mundial di
baseball na Michigan.

Pelotero di Italia Tomassi
Adorni a haci hopi daño na
ekipo di Aruba, na momento
cu el a bay di 3-4 cu un
double, un homerun y a
logra score 3 careda, pa asina
duna su ekipo e bentaha riba
ekipo di Aruba.

Ayera ekipo di Aruba a hunga
un wega di consuelo contra e
ekipo Mericano di Georgia
State (South East Champs),
unda e ekipo di Aruba a
derota nan cu score di 10-
3, pero awo tur cos ta cla pa
ekipo di Aruba. Awo ekipo
di Aruba tin cu regresa bek
pa asina prepara y cuminsa
cu training pronto pa e
campeonatonan local, cu lo
inicia den e proximo lunanan
aki.