Page 26 - KPA

Nan ta comunica via portofoon: Trio ladron terorizando
marduga gara pa Polis den Huan Run Supermarket na

Ponton

Wednesday, 19 April 2017 08:03
Comparti

E trio ladron cu ta den un accion pisa di ladronicia marduga awor ta den man di husticia. Polisnan a gara
tur tres cu man den masa na Ponton. E dia anterior nan a horta den tres negoshi marduga. Prome cu esey
nan a horta un pickup na San Barbola. E biaha aki atrobe nan tabata cu auto pasobra nan no ta biba
eybanda.

E yamada di oro a drenta na Polis y mesora unidad di Polis cu tabata cerca a yega haya e ladronnan net
cu nan a drenta. E trio aki tin un modus operandi entre 30 seconde pa 1 minuut pa drenta negoshi. E
yamada di oro a drenta net ora cu nan tabata cortando. E patruya di Polis tabata cerca cerca y asina a bin
haya tur tres den e negoshi. A aresta tur tres. Nan tabata tin handschoen bisti y tur paña similar na e
ladronicianan anterior. Mascarada tambe nan tabata tin na cara. Ora di detencion nan tabata tin e sker di
corta hero, dos cash register cla pa bay cune tambe. Polis a confisca tur cos. Un auto cu tabata pafo di
Huan Run Supermarket na Ponton tambe a keda confisca. Ora cu e patruya a topa cu e ladronnan,
mesora a pidi refuerzo cu a yega for di tur skina. Riba e fotonan aki por mira mas di henter e situacion di
marduga. Tremendo trabou di Polis. Loke a resalta ta e forma cu e ladronnan aki ta traha y comunica cu
otro. Nan tin radio pa asina comunica. Esey nifica esun pafo ta duna señal con e situacion ta pa asina nan
por haci nan trabou di ladronicia. E radio tambe a keda confisca.