Page 9 - WEB 20 MAY 2017

Prijs cu agricultornan lo bay haya di WEB di awa lo ta
economicamente hopi mas viable y interesante

Friday, 19 May 2017 19:53
Comparti

Algun siman atras a anuncia un descuento pa agricultornan pa loke ta awa di WEB. Tin di compronde cu
esaki no ta 100% concretisa.

Segun Prome Minister Mike Eman, e proceso aki ta hopi leu.

Gobierno a yega na un acuerdo cu WEB y Santa Rosa riba e prijs. Parti di e prijs ta un reduccion cu WEB
lo duna, basta substancial y parti di e reduccion lo ta un subsidio di Santa Rosa, pa e agricultornan cu lo
reemplasa hopi di e gastonan cu tin cu e tankinan di awa cu ta wordo hiba. Si calcula cuanto ta
invirtiendo den trece awa via di e trucknan cu tanki. Hopi biaha ta gastonan hopi grandi. Si calcula e prijs
cu ta bay haya di WEB y e parti di subsidio cu ta bay duna di parti di Santa Rosa, por bay yega na un prijs
cu ta compronde for di hopi di e agricultornan, cu ta haci nan plantacion mucho mas viabel y
siguramente economicamente hopi mas interesante. Pa nan esaki lo ta un gamechanger. Ta spera cu
dentro di corto por introduci, nan meta ta pa den luna di Juli por cuminsa cu prijs special aki.
Con ta midi

Santa Rosa ta bay evalua cada plantacion, pa mira un calculacion cuanto awa un plantacion asina tin
mester y basa riba calculacionnan certifica door di Santa Rosa, ta bisa si esun aki ta uza 10 mil cub, e ta
hay’e na e tarifa special y tur loke e gasta ariba, e 10 mil cub, e ta paga e tarifa normal. E trabao mas
principal lo wordo haci door di Santa Rosa, cu tin e experticio pa por evalua cada plantacion y duna un
calculacion hopi cerca di e realidad di locual cada plantacion ta uza.

Ta mira esaki como algo cu ta bay cambia e mundo di plantacion grandemente na Aruba. Esaki lo ta e cos
di mas grandi cu Aruba a haci pa plantacion den hopi decada. Na momento cu por trece awa y awa di
calidad di WEB na tur e plantacionnan na Aruba, na e prijs cu a yega na acuerdo cu WEB riba dje,
bahando e subsidio di Santa Rosa, ta papiando di un prijs cu ta haci e agricultornan na Aruba, mucho
mas viabel cu e tabata. Te cu tabata papiando cu un empresa basta grandi cu tabata den plan di cera, cu
awo pa motibo di e cambio aki, ya caba ta mira e posibilidadnan mas positivo pa continua y hasta amplia
nan produccion na Aruba.
Cu e impacto aki lo bay ta hopi grandi, positivo. Un di e metanan cu a pone ora di asumi e responsbilidad
di e cartera di agricultura, cria y pesca, ta cu mester pone un meta mas cla di ki percentahe di produccion
local kier, pa por abastece di nos propio consumo local.

No tabata tin un meta cla fiha. Na e momento aki ta wordo calcula cu e produccion total di tur locual ta
consumi na Aruba, tanto di cria, pesca, como den plantacion y agricultura, ta mas of menos 1% di e
totalidad di locual nos pais ta consumi. Gobierno kier pone un porcentahe, manera 2020, kier ta 100%
sostenibel riba tereno di energia, kier pone un porcentahe, aunke ta tempran pa bisa, pa 2025, mester ta
15% di e capacidad total, mester produci localmente. Esey kiermen cu nos produccionnan mester subi 15