Page 21 - AWEMAINTA
P. 21
AWEMainta Diabierna, 24 Maart 2017 21
Master Carlos Hernandez CEO di
www.mundotaekwondo.com
ta duna training na Aruba
ENTRANTE di dialuna awor, Master Carlos Hernandez, Hall of
Famer, Campeon Open USA y CEO di www.mundotaekwondo.com
ta cuminsa su training di Taekwondo na Tarcisius Kleuterschool na
Brazil.
Tur esnan cu ta interesa pa train hunto cu Master Carlos Hernandez
ta bon bini n’e Dojang di Brazil Taekwondo Stichting.
Master Carlos Hernandez tabata duna e seleccion di Aruba train-
ing den pasado, pero a bolbe Caracas bek p’asina concentra riba su
website di www.mundotaekwondo.com cu ta cubri tur evento di
Taekwondo rond mundo.
Carlos Hernandez tin su mesun skol di Taekwondo na Caracas, Ven-
ezuela cu ta carga e nomber di CAR Taekwondo. Durante di e añanan
2011-2014 Aruba a participa cu varios atleta n’e Open di Caracas.
Aworaki Carlos Hernandez lo duna e atletanan di Aruba training for
di dialuna te cu diabierna na Brazil y diasabra lo train na Eagle Beach.
Brazil Taekwondo ta contento di por a logra haya pa Carlos Hernan-
dez por a traha tempo p’e atletanan di Aruba p’asina comparti su
experencianan di e mundo di Taekwondo cu nos atletanan di Aruba.
Henk Meijer lo sigui despues pa un siman prome cu e biahe pa Korea.
