Page 38 - AWEMAINTA

38 AWEMainta Diabierna, 24 Maart 2017

Resultadonan di Copa Himno y Bandera

Candidate Master Joman Benschop ta gana

Abierto y Eldrick Donata ta gana U-18

DEN fin di siman cu a caba di pasa, Federacion di Ahedres Aruba (FAA)
a organisa su tradicional Copa Himno y Bandera riba dianan 17, 18 y 19
di maart. Riba e fechanan aki a hunga e categorianan U-18 y Abierto. E
categoria di U-12 a ser hunga riba un solo dia, esta 18 di maart.

Den U-18 un total di 12 hungador a participa, cualnan a hunga 5 buelta
en total. E di tres lugar a bay pa e hungador Matthew Martinez cu a ter-
mina cu 3,5 punto di 5 wega. Ethan Croeze, cu tambe tabatin 3,5 punto,
despues di regla di desempate a termina na di dos lugar.
Na di prome lugar a termina Eldrick Donata, cu a keda invicto durante e
torneo y logra di gana tur su 5 weganan, terminando cu 5 punto di 5 wega.
Tabatin premio special (medaya) pa e mihor hungador di U-16 cu a ser
gana pa Thamara Sagastegui cu 3 punto di 5 wega, mientras cu Ayden
Dirks a sali e mihor hungador di U-14 y a score 2,5 punto di 5 wega.

Den e categoria Abierto un total di 17 hungador a participa, cualnan
tambe a hunga 5 buelta.
E di tres lugar a bay pa Woman FIDE Master Maria Diaz cu a termina cu
3,5 punto di 5 wega. Na di dos lugar a termina Angel Centeno cu tambe
tabatin 3,5 punto, pero despues di reglanan di desempate a termina como
sub-campeon. Na prome lugar, invicto y cu 4 punto, a termina e hoben
prospecto Maestro Candidato Jomar Benschop.

Federacion di Ahedres Aruba ta mira back riba un exitoso torneo unda
atrobe un cantidad grandi di hoben a participa. FAA kier a gradici Comis-
ion di Subsidio pa su aporte financiero, yudando di e forma aki pa ahedres
sigui engrandece su mes na Aruba, muy en especial bou di hubentud.