Page 51 - MIN SOC

Mensahe di tur coredor di bicicleta na tur chauffeur pa tene
cuenta cu cada ciclista ta un bida

Monday, 06 February 2017 21:18
Comparti

Ciclistanan a uni pa asina mand aun mensahe pa tur chauffeur riba caminda. Manera ta conoci.

diadomingo auto coriendo duro a dal tres ciclista y herida tur tres. Un tabata mas herida cu e otro. Esaki
a pasa riba Sasaki Weg. Na varios ocasion caba e ciclistanan a bira victima riba caminda. Na varios
ocasion tambe a manda mensahenan pa asina expresa nan malcontento. Nan kier pa chauffeurnan
respetanan riba caminda. Pesey mes diadomingo atardi nan a manda un mensahe pa tur club di ciclismo
y dialuna atardi un cantidad grandi di ciclista a bini hunto na parkinglot di Alhambra. Eynan a topa y
asina Jeff Lopez cu ta un atleta a expresa su mes den nomber di e demas ciclistanan presente,. A bin hopi
ciclista cu nan bicicleta y tambe a bin otronan cu auto of na pia. Joceline Croes cu ta casa di un di e
victimanan diadomingo tambe tabata tey y a expresa con preocupa nan ta. E mes ta core bicicleta, su yiu
ta core bicicleta. El a prohibi e yiu di sali bay train riba bicicleta mesora despues di e accidente di e tata.
A mira tambe presencia di Minister di Deporte Alex Schwengle y Minister Paul Croes. Nan a bay duna un
sosten na e atletanan cual hopi di nan ta forma parti di Triathlon. E mensahe ta keda pa chauffeurnan
respetanan riba caminda pasobra cada ciclista ta un bida.