Page 68 - MIN VOS

Bo ta desea un carera como un Policy Advisor, Manager,
Consultant of un Researcher, esaki ta bo oportunidad

Monday, 22 May 2017 18:19
Comparti

Desde 2009 Universidad di Aruba ta ofrece e estudio Organization, Governance and Management (OGM). Despues
di e proceso di acreditacion intense, cu orguyo ta anuncia cu e documento di acreditacion positive a drenta na April
2017. Tambe ta orguyoso di anuncia cu ya tin mas di 15 graduado.

E estudio OGM ta hopi interesante pasobra e ta prepara studiante pa ta asistente den maneho (beleidsmedewerker)
den sector publico, sector social y sector priva, pero alavez e studiante por specialisa su mes pa ta Manager. Esnan
cu ta desea di bira consultant of investigador (researcher) den organisacionnan den sector publico, sector social y
priva tambe ta wordo invita cordialmente pa cuminsa e estudio di Bachelor OGM na augustus benidero. Ademas
Universidad di Aruba ta invitata e hobennan cu ta den examen klas na Colegio San Nicolas, Colegio Arubano,
International School of Aruba (ISA), de Schakel College y EPI pa registra. Especialmente si nan ta interesa den con
ta trece of inicia cambionan sostenibel den organisacionnan. Ta recomenda hobennan cu ta gusta traha cu hende y
kier aporta na e profesionalisacion di cualkier organisacion tambe pa inscribi.

Un otro grupo di enfoke ta esnan cu ya tin un carera den sector publico, sector social of priva y ta interesa
pa amplia nan conocemento di tur aspecto di Organization, Governance and Management. No ta importa bo edad,
OGM ta un estudio cu diferente posibilidad pa un carera profesonial atractivo y varia. Sigur si bo ta buscando
opcionnan pa profundisa bo conocemento. Pa mas informacion tocante registracion por pasa na e oficina di
asuntonan di estudiante (OSA) na Universidad di Aruba banda di Crown unda antes tawata Superfood. Si ta desea di
atende un les den e siman di 29 di mei tambe por manda un e-mail pa ogm.student.assistant@ua.aw Pa mas
información tocante e estudio di OGM bishita nos website ‘University of Aruba’ http://www.ua.aw/OGM , like nos
riba Facebook pa keda informa di OGM y nos studiantenan https://www.facebook.com/University-of- Aruba-OGM-
Organization-Governance- Management-FAS- 102333309806487/?ref=bookmarks Tambe por yama OSA na 5262257
of manda un email na ogm.student.assistant@ua.aw