Page 13 - ATA

16 AWEMainta Diabierna, 10 Mei 2019

Na apertura di CATA 2019

A duna reconocemento na Miriam Dabian

DIARANZON anochi e di 29 edicion di e Conferencia Annual di

Turismo (CATA) a tuma lugar den e prestigioso Hyatt Regency Aruba

Resort, Spa & Casino. Esaki a sosode den presencia di e.o. Minister di
Turismo Dangui Oduber, cu un opening speech di CEO di A.T.A. Ronella

Tjin Asjoe-Croes.

Tabata presente tambe Presidente di Parlamento mr. Juan Thijsen y vari-

os miembro di Parlamento, CEO di Aruba Airport Authority James Fazio
como tambe General Manager di Hyatt Regency Aruba Resort, Spa &

Casino Gabriel Castrillon, kende a expresa palabranan di bon-bini n’e

participantenan.

Despues a sigui cu diferente presentacion. E tema central di CATA e aña

aki t’e ‘Poder di Data y su influencia.’ Pa ora ta trata di tuma decision

strategico y tacticanan preciso, ATA ta depende grandemente riba inteli-

gencia di dato.
“E inteligencia cu nos ta obtene, principalmente di nos base di dato di

16 miyon registro di bishitante, ta permiti nos adapta mihor ainda nos

contenido, refina e recomendacionnan y mensahenan na nos bishitan-

tenan, previamente y despues di nan biahe,” segun sra. Tjin Asjoe-Croes
a comenta durante su discurso.

Durante e apertura oficial di CATA 2019, CEO di ATA, sra. Ronella Tjin

Asjoe-Croes a sorprende Miriam Dabian (Directora di A.T.A. p’e mer-
cado Latino Americano) cu palabranan di elogio y aprecio y a entrege un

medaya pa cu su aniversario.