Page 16 - MIN SJA

24 AWEMainta Dialuna, 5 December 2016

‘Sinterklaas riba Caya’ di PANA, un biaha mas ta pone

sonrisa riba cara di hopi mucha (y hende grandi)

PA di dos aña consecutivo, un grupo di residente Venezo-
lano, bou di e nomber di fundacion PANA (“Pa Amor di Nos
Aruba”) ta demostra con hopi nan ta stima e comunidad
cu nan ta biba aden.
Durante e prome siman di december, e boluntarionan di
PANA a colecta y procesa donacion di paña, co’i hunga y
cuminda.
Diasabra ultimo, pick upnan yen cu regalo a sali riba un
parada pa distribui nan hunto cu Sinterklaas y Zwarte
Piet den algun di e barionan di Aruba, for di Noord te San
Nicolas.

Den cooperacion cu Minister di Asunto Social, drs. Paul
Croes a reuni grupo di mucha na Centro di Bario Noord,
Club Universal na Pos Chikito y tambe na YMCA San
Nicolas.
E grupo no solamente a hiba regalo, pero tambe hopi alegria
y musica pa comparti e spirito di Pasco cu esnan cu tin mas
mester di dje.
Lidernan di PANA, Alberto Perret Gentil, Franz Sydow y
Domingo Aldazoro kier gradici e coordinadornan di e evento
Veronica van der Dys, Pilar Sydow y tur hende cu a con-
tribui y a haci di ‘Sinterklaas Riba Caya’, un exito grandi.
Pa mas informacion riba PANA of relacion cu Sinterklaas
Riba Caya, por fabor tuma contacto cu Alberto Perret Gentil
na 593-4730.

Riba algun di e potretnan aki por mira e.o. Sinterklaas y
Zwarte Pietnan entregando regalo na YMCA San Nicolas.
Entre e boluntarionan tabatey e famoso celebridad Vene-
zolano Maite Delgado, mira aki cu dos otro miembro di
PANA. Miles di saconan di regalo a keda prepara segun
edad, genero y necesidad. Mucha y adultonan contento na
Centro di Bario Noord.
Boluntarionan ta sacando regalo for di pick upnan cu a
forma e parada di Sinterkaas diasabra ultimo.
Tur hende cla pa subi caya hunto cu Minister Paul Croes
di Asunto Social.