Page 31 - MIN SJA

Minister Paul Croes ta sostene PANA pa haci casi 300 mucha
hopi feliz

Sunday, 04 December 2016 20:53
Comparti

Durante diasabra mainta y merdia Minister di Asuntonan Social drs. Paul Croes a compaña e
boluntarionan di fundacion PANA

(Pa Amor di Nos Aruba) den realisa nan actividad anual di ‘Sinterklaas Riba Caya’. Pa di dos aña
consecutivo, ta reparti casi 300 regalo pa muchanan na Aruba. Te hasta yiu homber di Minister Croes,
Paul-Addison a uni na e accion y tabata un Mini Pietje haciendo e muchanan contento.
“Organisacion PANA, nos ministerio y nos team social a regala un cantidad di mucha di menos recurso
casi 300 regalo. Un gesto sigur di aprecia di e grupo di Venezolanonan residencia aki na Aruba,” asina
Minister Croes a comenta na un di e tres stop cu a haci durante dia. “No solamente bo ta regala nan algo
material, sino tambe bo ta inspira un alegria y un sonrisa riba nan cara.”

E dia a cuminsa na Centro di Bario Noord caminda e muchanan a haya masha hopi regalo cu e
organisacion a sa di prepara. Despues a sigui pa Club Universal na Pos Chikito caminda tambe tabatin
hopi mucha di e bisindario a bin recibi regalo. Pa finalisa, henter e grupo di boluntario, Sinterklaas,
Zwarte Piet y Minister Croes a bishita YMCA na San Nicolas.
“Mi kier a gradici mi ekipo di oficina hunto cu Departamento di Asuntonan Social cu sin duda a yuda
hopi den e organisacion, tambe Centro di Bario Noord, Club Universal y YMCA San Nicolas. Ora bo hasi
e tipo di esfuersonan aki, e ta yena bo cu satisfaccion y alegria. Pabien na e organisacion PANA cu un
tremendo iniciativa y nan por conta cu nos apoyo sigur den futuro,” asina Minister a finalisa bisando.