Page 14 - AWEM APRIL 28

14 AWEMainta Diabierna, 28 April 2017

Presidente di Parlamento ta felicita nos pueblo y Cas Real

PRESIDENTE di Parlamento ta felicita nos
pueblo y Cas Real cu 50 aniversario di Rey Willem
Alexander. Nos pueblo sigur ta orguyoso di nos
lazonan den Reino y cu Cas Real.
Nos Rey semper a mustra apoyo pa desaroyo eco-
nomico, social y cultural di nos pais.

Tambe e tin aprecio pa esnan cu ta traha desinte-
resadamente pa nos comunidad. Su mahestad ta
kere cu den un sociedad democratico niun hende
no por logra su metanan sin asistencia di otro. Den
e mesun sociedad libertad, igualdad y repet mutuo
ta balornan cu cada ciudadano mester tene na halto.

Wyatt-Ras ta felicita alavez tur boluntario cu a
ricibi un condecoracion diamars dia 25 di april for
di Gobernador. Cada un di nan cu pa medio di nan
esfuerso y dedicacion di añanan a yuda un cantidad
di persona.
E ta felicita alavez e hobennan, cu a gana premio/
trofeo di Felepito B. Tromp, entre nan tin dos ho-
ben cu desaroyo special. Ta di importancia, segun
Wyatt-Ras, pa hobennan, sin dinstincion algun
por haya guia y sosten pa desaroya nan mes riba
diferente tereno, manera social, deportivo, cultural
y den enseñansa. Mester pone man na obra pa logra
mas inclusion den nos sociedad.

Segun Wyatt-Ras, palabranan ta poco pa gradici
lidernan, educadornan y mayornan pa nan aporte
na nos hubentud. Wyatt-Ras a pidi Gobernador pa
transmiti palabranan di felicitacion na nos Rey, nos
Reina Maxima, yiunan y famia real.