Page 7 - AWEM APRIL 28

AWEMainta Diabierna, 28 April 2017 7

Sospecha di malversa como 300 mil florin

Diaranson ultimo Papito Seguridad ta gara señora

Elmondalek a kede deteni Dominicano hortando na

Paseo Herencia

DIARANSON den oranan
di anochi, un problema a surgi
na Paseo Herencia, caminda un
miembro di seguridad a tene un
señora wanta te ora Polis yega.

Ta resulta cu e señora di naciona-
lidad Dominicano a drenta den un
di e negoshinan na e mall y horta
varios articulo di balor. El a purba
sconde esakinan bon y sigui su
caminda, pero su number a hunga
y el a wordo gara.
Polis a atende cu e señora Domini-
cano y pidi un “Dogcatcher” pa
transport’e pa Warda di Shaba.
Papito Elmondalek (67 aña) no ta un persona
desconoci den comercio, unda el a bin ta traha e.o.
cu Victoria Bottling Company pa despues pasa cu
Pespi pa maneha esaki pa Romar Trading cu a bira e
reprsentante di Pespi na Aruba.
Papito Elmondelek a haya tur confianza pa dirigi e
mercado di Pepsi na Aruba, pero despues di esaki, el
a cuminsa cu su operacion pa malversa, falsificacion
di documento, pa enriquece su mes.

Segun nos tin entendi Papito Elmondalek lo a logra
malversa e suma cuantioso di entre 200 pa 300 mil
florin. Aparentemente e no a haci esaki su so, pero cu
un trahador di un compania na Eagle cu ta un Free
Zone, cu ta bende gas pa machinenan di refresco y
como tal autoridadnan tambe a detene e homber
Jesus Caraballo.

Investigacion interno a conduci cu gerencia di e.o.
Romar Trading no a keda otro di denuncia loke nan
a descubri na falsificacion y malversacion.
Recherche a bay cas di Papito Elmondelek varios
biaha na Tunastraat na Ponton, sip or hay’e na cas.
Papito cu a sinti e cayente, a dicidi di yama un amigo
polis, kende a bisa con cla, cu e no por tapa p’e, pero
lo compañe pa Warda di Polis, unda el a keda deteni
diarazon mainta ultimo.

Mientrastanto Jesus Caraballo a basha abao y a splica
henter e modus operandi. E ta traha n’e compania
cu ta bende gas y el a acepta su culpabilidad y pidi
disculpa tambe.
Pa loke ta Papito Elmondalek, e si no kier acepta su
culpa y como tal a haci un denuncia oficial p’e splica
n’esnan di husticia kico el a haci.
Pesey el a keda deteni y awe e mester duna cuenta na
Huez Comisario, kende lo determina su lo prolonga
su detencion.