Page 69 - AVP

Richard Arends Na Encuentro Cu Voluntario 2019:

AVP Un Partido Inspirativo Dedica Na Garantisa

Bienestar Duradero

 Politica
- 03/09/2019

Diadomingo 1 di september a tuma lugar e encuentro cu boluntario 2019 organisa pa
partido AVP. E evento aki a carga e titulo di ‘Un causa comun,’ cual a conta cu asistencia
grandi di boluntario, sostenedor y activistanan di partido AVP.
Varios miembro di partido AVP a dirigi mensahenan na boluntarionan cu a bin scucha e
rumbo cu partido ta bayendo, e vision cu tin pa transforma un situacion destroso cu ta
wordo crea pa dos aña caba y asina trece trankilidad y prosperidad bek den pueblo.

Un di e oradornan aki tabata e politico y miembro di Parlamento, mr. drs. Richard
Arends, kende a repasa varios aspecto di e vision di partido AVP y tur loke tanto e
partido como su persona ta kere aden y para p’esaki.
Parlamentario Arends a mustra tur presente cu candidatonan riba e lista politico berde,
AVP, semper ta boga pa di un forma of otro di ta un inspiracion pa otronan, sea miembro,
activista, sostenedor y boluntarionan.

“Partido AVP ta conoci pa ta un partido inspirativo. Un partido cu ta atrae hoben y
grandinan pa su pensamentonan nobo, pa su ideanan inovativo cu ta sirbi como
inspiracion pa hopi,” el a cuminsa bisando.
Durante su discursco Richard Arends a reitera cu un partido mester ta basa riba un
ideologia y no riba pragmatismo. El a reafirma cu e ta kere firmemente den e
fundamentonan di e ideologia Social-Cristian cu e partido ta basa riba dje; den un
responsabilidad comparti unda cu Gobierno ta mantene su mes na su tareanan propio; den