Page 6 - AVB 27 MAY 2017
P. 6
Diabierna 26 Mei pa 8:00pm den Stadion Guillermo P. Trinidad ta tuma luga e
prome wega di final Junioren (SUB-20), ora cu talentonan tricolor di RCA ta
enfrenta e talentonan oranje di Estrella. E mesun ekiponan a enfrenta otro aña
pasa caba den e final di Mayor (SUB-17). Aña pasa RCA a titula campeon di
Mayor (SUB-17), pa cual e pregunta ta si RCA lo ripiti esaki den e final di
Junioren (SUB-20). Of si Estrella lo demostra cu e aña aki ta nan turno di bay
cu e titulo? Ambos ekipo a demostra un nivel halto di futbol durante e
campeonato regular y tambe e play-off. Un play-off fuerte unda fuera di e dos
finalistanan tambe a participa e ekiponan di Dakota y Riverplate. Awo ta entre
nan dos lo dicidi cua ta esun miho den e campeonato 2016/ 2017. Un yamada
ta bay na tanto fanaticonan di RCA como di Estrella pa apoya e futuro astronan
di Division Honor, diabierna 26 mei pa 8:00pm den Stadion Guillermo P.
Trinidad.
http://masnoticia.com/rca-y-estrella-ta-enfrenta-otro-den-final-di-junioren/
