Page 18 - AWEMAINTA

18 AWEMainta Diaranson, 5 April 2017

Durante prome mercado di Santa Rosa den 2017 MINISTER Benny Sevinger a bishita e prome mercado

Minister Sevinger a elogia tur di Santa Rosa di aña 2017. Esaki a tuma lugar diadomingo
ultimo for di 9’or di mainta pa 2’or di merdia y tabata un
esnan cu ta traha pa promove exito rotundo. Minister Benny Sevinger durante su bishita
a pasa na cada un di e standnan, a combersa cu agricultor-
sector primario di Aruba nan, pero tambe esnan cu ta produci remedi di tera, biña

y ta bende mata.
El a gradici cada un di nan pa contribui pa alsa e sector
primario di Aruba, pa Aruba bira menos dependiente di
exterior. E mandatario a probecha pa cumpra diferente
producto natural.

“Mi kier gradici tur e participantenan di e mercado aki cu pa
añanan largo ta apoya e evento di Santa Rosa. Pero tambe
mi mester felicita Santa Rosa cu e evento aki, di tur luna.
Ta bisto, mirando e cantidad di bishitantenan, cu nos
hendenan ta gusta e tipo di mercado aki.” Tabata momen-
tonan hopi agradabel p’e mandatario, ya cu combersando
cu participantenan di e mercado el a siña p.e. di habonnan
traha di aloe of mango y pakico nan ta sirbi, pero tambe
e diferente tipo di remedi di tera cu ta wordo uza pa hopi
tempo caba aki na Aruba y pa kico tur nan ta sirbi.

Banda di tur loke tin di sector primario, Minister Sevinger
a admira tambe obranan di arte traha di klei y a saborea
snack y cumindanan crioyo y organico.
Tabata un experiencia mas p’e mandatario.
“Mi kier a felicita tur participante pa nan contribucion na
comunidad,” e mandatario a bisa y a haci un apelacion pa
nan sigui cu e bon trabou.
Despues di su discurso, Minister Sevinger a haci entrega di
un plakaat na Lucio Croes, yiu homber di sra. Bertha Croes
(q.e.p.d.), kende a fayece recientemente.

E prome mercado di Santa Rosa pa 2017 a wordo dedica na
sra. Croes, kende tabata un fiel participante den eventonan
di Santa Rosa. Sra. Croes tabata produci remedinan di tera
masha conoci na Aruba.
Minister Sevinger tambe a entrega plakaat na un grupo
cu a wordo yama “Amigonan di Santa Rosa”, kendenan e
ultimo aña a apoya e mercadonan di Santa Rosa.
E evento di diadomingo ultimo a wordo anima dor di Tipico
Kadushi Largo.