Page 37 - AWEMAINTA

AWEMainta Diaranson, 5 April 2017 37

Fiesta Rotaria 2017 a resulta DIADOMINGO 2 di april a tuma lugar pa di

un biaha mas exitoso pa 37 aña e popular Fiesta Rotaria organisa pa Ro-
tary Club of Aruba. Mainta tempran un publico
grandi tabata presente n’e parking lot di Com-
Rotary Club of Aruba pleho Deportivo Guillermo Trinidad na Dakota.

E aña aki un biaha mas tabatin hopi producto,
manera muebels, verf, comestibel, mata, paña
joyas y articulonan electronico, buki na benta na
prijsnan hopi atractivo.

Ademas di esaki tabatin hopi stand di bebida, por
a cumpra BBQ y tambe diferente snacks. Henter
famia por a pasa full un dia na Fiesta Rotaria
ya cu pa cada gusto tabata tin algo. A dedica un
huki special pa nos muchanan cu diferente wega
nan popular.

E publico presente por a disfruta di diferente show
di baile di Club di Movimiento y Pierewietje.
Tambe di Club Kibrahacha 60+. Despues di
merdia Le Groove, Buleria y D’Licious a deleita
e publico te banda di 6’or di atardi.

E aña aki Rotary Club of Aruba a haña bishita di e
District Governor di e districto na unda Aruba ta
forma parti di dje, cual ta señor Roger Bose. Roger
a keda masha impresiona cu e Fiesta Rotaria.
Na final di e Fiesta Rotaria a saca e numbernan
ganador p’e rifa den presencia di notario.
E aña aki pa por gana un di e 12 tremendo pre-
mionan.

E numbernan ganador ta lo siguiente: 1st prize
Suzuki Vitara GLX SUV 2017 – 7148; 2nd prize
All-in Cruise for 2 from Maduro Travel – 13242;
3rd prize 55” TCL Smart TV from AMC Unicon
– 7640; 4th prize 2 ticket Aruba –Amsterdam –
Aruba on KLM – 7557; 5th prize iPhone 7, 32
GB factory unlocked from Boolchand’s – 4904;
6th prize Afl. 1.500,- gift certificate from Kooy-
man – 10079; 7th prize Afl. 1.500,- CMB Money
Card – 12951; 8th prize Afl. 1.500,- gift cer-
tificate from Boolchand’s – 3113; 9th prize Afl.
1.000,- gift certificate from Super Food – 3627;
10th prize Two-day weekend stay for 2 at Divi
Resort Aruba – 6008; 11th prize Afl. 1.500,- gift
certificate from Hagemeyer – 3782 y 12th prize
Afl. 750,- gift certificate from Pearl Gems – 461.

Masha pabien na tur ganador cu den e siguiente
dianan lo wordo aserca pa por entrega e premi-
onan. Y hopi danki na tur esnan cu a aporta na
Fiesta Rotaria sea cu a bin bishita nos of cumpra
rifa. Nos ta conta cu bo(so) contribucion atrobe
otro aña, asina President Stanley Looman a co-
menta.

Rotary Club of Aruba kier a gradici tur su miem-
bronan, Rotaractors, Interactors, boluntarionan
y sponsors pa haci Fiesta Rotaria y e rifa posibel
un biaha mas.