Page 107 - VOS JAN 24

Torneo Copa Betico Croes 2017

Monday, 23 January 2017 17:10
Comparti

Despues cu Aruba Amateur Weightlifting Association a organisa un exitoso Campionato Nacional
caminda un grupo grandi di atletanan di Aruba y Corsow a participa, awo Aruba Amateur Weightlifting
Association ta anticipa un bon participacion un bez mas, pero e biaha aki den e Torneo Copa Betico Croes
2017.

Esaki lo bira e prome competencia oficial di e federacion di pesas pa loke ta e calendario di actividad den
2017. E competencia lo wordo teni diaranson 25 di januari. Pisamento di atletanan ta 1or y pa 3or di
atardi lo tin e competencia mes den Compleho Deportivo Frans Figaroa na Noord, cual porcierto ta e cas
di e deporte di hisamento di peso. Ya caba varios atleta a prepara nan mes debidamente pa e prome
competencia di aña mientras den e diferente categorianan nos por anticipa bon bataya. E biaha aki un
bes mas e torneo lo conta cu participacion di e atletanan di Crossfit, cu desde nan existencia ta
engrandese e deporte di hisamento di peso den gran forma. Den luna di december, varios di nos
atletanan di pesas a duna un tremendo presentacion na Corsow caminda a logra kibra varios record
nacional. Mas cu claro e expectativanan ta halto un bes mas pa logra supera otro recordnan di Aruba. Un
danki sigur na Lotto pa Deporte y Comision di Subsidio cu a subsidia e eventonan deportivo enconexion
cu e celebracion riba Dia di Betico. Aruba Amateur Weightlifting Association kier a invita tur fanatico di
Hisamento di peso pa bin apoya nos atletanan den e Torneo Copa Betico Croes di hisamento di peso cu ta
tuma lugar den Compleho Deportivo Frans Figaroa. Entrada ta gratis pa grandi y chiquito.