Page 21 - VOS JAN 24

Awe nos ta recorda un anja pasa fayecimento di John Rafael
Hart

Tuesday, 24 January 2017 05:15
Comparti

E siman aki nos recorda un aña pasa cu nos a tuma despidida di John Hart. John ta un persona cu a
contribui grandemento pa pais Aruba. Nos ta reconoce na biba como Presidente di e sindicato Hotel
Workers Union. Como presidente di sindicato a stablese e fundeshi pa logra derecho pa trahadonan den
sector hotelero.

Na aña 1964 John a wordu nombra secretario general di SAC y despues a bira vice-Presidente di SAC pa
mas cu 27 anja. Danki na su contribucion awe nos tin un carnival grandi na Aruba.Na aña 1974 John
Hart a wordu apunta como miembro di comision di referendum pa juda organiza referendum cu a tuma
lugar 25 maart 1977 na Aruba , caminda e pueblo di Aruba por a scohe pa status Aparte. John Hart
tawata miembro di social Economische Raad, forma dor di gobierno di Antias. Como miembro di SER
John Hart a forma parti di diferente mision di Antias cu a biaha e.o pa sur – Amerika y Hulanda pa
atende reunionnan riba asunto economico. Na juli 1981 John Hart a wordu nombra director di Huis van
bewaring y tawata engarga cu maneho di e prison te ora cu la bai cu pensioen. Dia 2 april 1985 John a
ricibi medaya di condecoracion di Ridder van Orde van Oranje Nassau den nomber di La Reina, como
aprecio pa su contribucion activamente na comunidad di Aruba. Prome cu John a bai cu pensioen la
coordina e projecto completo di construcion di KIA y su ultimo responsabilidad tawata pa acomoda e
personal y presonan na KIA.