Page 27 - VOS JAN 24

op-up Clean-up Dunes y Boca Druif

Tuesday, 24 January 2017 08:09
Comparti

Boso tur ta invita dia 25,26 y27 di januarie (diaranson, diahuebs y diabierna awor) pa bin yuda haci e
beachnan di Boca Druif y Dunes (patras di California lighthouse) limpi, di 2:30 mei te 5 or di merdia. E
localidad ta den e attachment. Dia 25 y 26 di januarie ta na Dunes y dia 27 ta na Boca Druif.

E evento aki ta organisa door di un grupo grandi di diferente instancianan y initiativanan como tal
109World, Sgt Pepper’s friends, Island Yoga y Pop Up Clean Up cu ta buscando hende entusiasma pa
trece bunitesa bek na nos naturalesa. E meta di e evento aki ta pa inspira turismo den un media ambiente
sustenibel. Ademas un turismo cu compassion pa ser humano, naturalesa y specialmente pa animalmnan
cu ta wordo rechasa y mal trata. Pop Up Clean Up ta spera riba un 20 hende di afo (turista) y 10 hende
local kada dia garantiza, pa asina henter e beachnan keda limpi limpi y no atraye hende pa tira sushi.
Tambe Pop Up Clean Up lo pone dos borchi cu un bon mensahe pa no tira sushi. Pa falta di handschoen
di jardin, lo tin disponibel pa fia. Tambe Pop Up Clean Up lo tin algun hand picker's y nos lo trece algun
hemchi tambe. Si tin mas material di jardin na cas cu lo ta di bon uso pa e accion aki, por trece nan. Nos
lo trece algo di bebe, pero nos ta conseha trece propio beker pa nos no crea mas sushi. Tambe nos ta
conseha come bon prome cu comienso di e tarea. Pa mas informacion bai na nos Facebook page Pop Up
Clean Up Aruba Kizas nos no por stop tur e tiramento di sushi, pero nos por mustra un bon ehempel pa
e resto di e comunidad y yuda alivia e problematico di sushi pa asina laga nos mondinan cuminsa hala
rosea atrobe. Nos ta spera di un encuentro e diaranson, diahuebs y diabierna aki y no lubida di invita
amigonan y famia.