Page 13 - HOH_Neat

Diaranson, 5 Juni 2019 AWEMainta 13

S.A.B.A. Oranjestad y

Rotaract Club of Aruba

a presenta un show di

moda cu nos grandinan

EN conexion cu celebracion di Dia di Mama, Stichting

Algemene Bejaardenzorg Aruba y Rotaract Club of Aruba a
percura pa un anochi diferente y dibertido p’e habitantenan

di SABA- Oranjestad.

E atardi aki tabata uno hopi festivo y alegre unda nos gran-
dinan tabata modelo na nan mesun show di moda patro-

cina pa diferente cas di moda, estilista, leerwerktraject na
Aruba cu a mustra nan atencion, donacion y tempo pa nos

grandinan.

E runway aki tabata uno unda miembronan di Rotaract

Club of Aruba tabata cana hunto cu e grandinan riba e
runway cu tabata e patio di SABA mes cu a wordo decora

bunita p’e ocasion aki.

Shi Preke tabata e maestro di ceremonia y a entretene tur
presente describiendo e trahe y sponsors di cada modelo cu

a subi e pasarela.

Nos grandinan a ricibi un makiyahe y peinado di Rafael de
Cuba y su ekipo di Heavens Hair Studio.

Rotaract Club of Aruba a den pasado a yega di organisa
varios proyecto pa nos grandinan cu ta keda na San Pedro

Paviljoen y for di e tempo ey a keda den conexion estrecho
cu e organisacion. Nos grandinan tin un lugar hopi special

den e curason di tur miembro di Rotaract Club of Aruba,

pasando tempo cu nan y pone un sonrisa riba nan cara ta
loke ta conta. Tempo di calidad ta lo mas valioso pa nos

grandinan.

E team di SABA a traha durante lunanan preparando

p’esaki y nos kier a gradici e team y especialmente sra. Ivy
kende semper ta hopi dedica y ta trece bunita iniciativa

manera esaki pa nos grandinan.

Rotaract Club of Aruba kier gradici tur miembro y bolun-
tario cu a yuda haci e evento aki posibel.

Na tur famia y amistad cu a bin presencia y duna nan sos-

ten y aplauso na nos grandinan cu a subi e pasarela, masha
danki. Esaki sigur a haci nos grandinan feliz riba e diabi-

erna atardi aki.