Page 7 - DVG

El a duna di conoce cu esnan cu ta opera casnan di cuido di nos grandinan, tin te 1 di
Augustus proximo, pa regla tur loke nan permiso ta rekeri, cumpliendo cu tur e
rekisitonan cu ta poni den nan permiso.

Aworaki nan ta den combersacion cu DAS y DTI entre otro instancianan pa wak cual ta
e plan di aan-pack cu ta bin cune. Despues di 1 di Augustus, Inspeccion ta bay over na
ceramento di e casnan cu no ta cumpli cu e exigencianan.

No kiermen cu esaki lo sosode mesora. Nan ta reuniendo cu otro instancianan concerni,
y despues nan lo reuni cu e famianan di e habitantenan concerni di e casnan di cuido.

Ta un hecho cu tur famia ta desea pa nan grandinan keda den cas mas largo posible,

pero no den tur caso esaki por y mester di hiba nan na un cas di cuido, locual ta
comprendible. Pero ta asina tambe cu tur famia ta desea pa nan ser keri ta bon cuida y
ademas ta un servicio pa cual nan ta paga pe y no kier pa nan wordo descuida den e
cas di cuido.

E ta recomenda e famianan pa ora nan haci bishita na nan ser keri wak rond bon, y si
wak algo straño combersa cu nan, si nan ta sinti contento, pasobra esey ta hopi
importante pa e famia tambe.

https://www.diario.aw/2019/07/operadornan-di-casnan-di-cuido-tin-te-1-di-augustus-pa-nan-permiso-
ta-na-ordo/