Page 6 - POST ARUBA
P. 6
Jayson Geerman a celebra 10 aña trahando na Post Aruba
Tuesday, 07 February 2017 18:10
Comparti
Recientemente Post Aruba a tene un celebracion special pa duna reconocimento na e bon trabao di
Jayson Geerman, cu a drenta den servicio desde dia 1 di januari 2007 y como tal, awor a cumpli su prome
decada trahando pa e compania. Na inicio Jayson Geerman tabata un “Besteller” y trahando duro cu hopi
dedicacion, el a yega awor na e funcion di "chauffeur special services".
Post Aruba ta hopi orguyoso di Jayson, un trahado ehemplar cu semper ta dispuesto pa coopera na
cualkier momento cu mester di dje. Jayson ta un trahado cu no sa meld ziek. E ta un empleado cu hopi
deseo di supera y cu ta haci su trabao cu hopi pasenshi y amor. Durante un ceremonia chikito a entrega
Jayson Geerman su envelop mereci pa su 10 aña di trabao den presencia di coleganan y su famia. Hopi
pabien di parti di Gerencia y tur su coleganan na Post Aruba. A funda e compania priva Post Aruba N.V.
na aña 2005. Su oficina principal ta situa na J.E. Irausquinplein # 9 na Oranjestad y tin 3 oficina
adicional na Santa Cruz, Noord y San Nicolas. Ey ta ofrece tur tipo di servicio, for di manda un envelop,
te na carga pisa. Post Aruba N.V. ta conta cu 111 empleado, cu diariamente ta yega na 42 mil adres situa
tur rond di nos isla. Mas cu djis un servicio, e empleadonan atento ta percura pa tanto comunidad como
sector comercial por comunica cu otro. Pa mas informacion riba servicionan di Post Aruba N.V., bishita e
website www.postaruba.com of check nan paginanan riba Facebook, cu ta E-Post Aruba y Aruba Stamps.
