Page 29 - AHATA
P. 29
ORANJESTAD (AAN): Recientemente sra Arends-Reyes a atende e Cruise Symposium
Aruba 2018 caminda cu diferente cifras, proyecionan y metanan a ser presenta.
Segun e Parlamentaria di AVP, e industria di crucero ta celebrando su 60 aña di
existencia y pa e motibo aki e Cruise Symposium tawatin un ocasion special pa celebra
un momento historico y bunita pa e industria turistico.
Remarcabel tabata e ausencia di e Minister di Turismo na e celebracion di Dia di
Turismo y pa e symposio special di crucero celebrando su 60 aña di existencia. Durante
e symposio di crucero na aña 2017 a presenta e metanan pa 2018.
Locual cu tabata pronostica pa 2018 tabata cu e cantidad di pasaheronan lo sobrepasa
800 mil pero pa motibo di cancelacionan nos lo por yega cerca di 2017 of keda cu un
‘flat growth’. Na aña 2017 e industria di crucero a contribui cu 85.5 miyon US Dollar. Pa
2019 ta pronostica un 770 mil pasahero cu ta atrobe den careda di 2017 of menos, cu
314 calls cu ta un poco menos pa motibo di barconan mas grandi.
Barconan mas grandi ta algo cu ta birando un trend mundial caminda Aruba a cuminsa
prepara basta tempo pasa pa ricibi e tipo di barconan aki cu por carga alrededor di 4
mil pasahero, tipo Carnival Horizon door di por ehempel percura pa nos haf ta hundu
suficiente door di uzo di ‘dredging’.
Treciendo barconan grandi tin su ventaha pero sigur su desventaha tambe den caso cu
un barco grandi cancela ta 4 mil pasahero por cai afor den un solo biaha.
Den un resultado di investigacion nobo tin un incremento di 9% di e on- island
spending cu tabata na $112. Aruba su comercio por perde pa gana casi un miyon Florin
den un solo biaha den caso di cancelacion di un barco grandi asina. Tambe un otro reto
ta keda e congestion di personanan y trafico den e area y tambe e uso di beachnan
popular door di gruponan grandi di turistanan di crucero.
E tema di uso di beach nan popular na cierto momento y e congestion a pensa ariba
drecha e beach completo na Bushiri hotel pa asina por haya mas beach tanto pa local,
turista como turista crucero cu tin demanda pa uzo di nos beachnan.
