Page 14 - WEB_Neat

SIWA A Manda Notifica Mediador Di Gobierno Cu

Gerencia Di WEB Aruba N.V. A Rechasa Pakete Pa

Cu Un CAO Nobo

 Local
- 16/12/2018
Despues cu SIWA a bin ta negocia un CAO nobo y a pone esaki na aprobacion di su
miembronan, un mayoria grandi di e trahadornan di WEB Aruba N.V. a rechasa e
proposicion di parti di gerencia pa yega na un contracto colectivo di trabou (CAO) nobo.

Maske cu e partidonan tin un acuerdo cu lo no “negocia” den prensa y cu lo no divulga
nada den prensa, asina mes e noticia a plama.

Tabata diabierne ultimo, cu SIWA a notifica Mediador di Gobierno, cu por tin problema
n’e planta di awa y electricidad awor cu e negociacionnan a pega.

E trahadornan a demanda un aumento general di salario, pero gerencia no ta yegando ni
cerca di locual e trahadornan ta desea. Separa di djis aumento tin un lista di otro
peticionnan mas di beneficionan secundario.

Pero manera e opinion ta den pueblo, un di e mihor paga nan, ta e.o. trahadornan di WEB
Aruba N.V. y di N.V. Elmar.

Diasabra anochi tabatin un fiesta di Pasco planea, cu lo mester tuma lugar den ballroom
di Marriott Resort, pero mirando e ambiente di masha incertidumbre a pidi Luis Oduber
Director di WEB Aruba N.V. pa cancela e fiesta e aña aki.

Pero den e comision organisador tin representacion di e empleadonan di WEB Aruba
N.V. y nan tabata contra pa cancela e fiesta, pasobra ta un biaha pa aña por celebra un
fiesta hunto y cu nan famia.

Cu e impasse aki riba mesa, gerencia a manda cancela e fiesta di Pasco di diasabra den
Marriott Ballroom,pero esey tampoco e empleadonan no kier, pues fiesta a sigui tog,
aunke tin un disputa laboral.

https://awemainta.com/siwa-a-manda-notifica-mediador-di-gobierno-cu-gerencia-di-web-aruba-n-v-a-
rechasa-pakete-pa-cu-un-cao-nobo/