Page 24 - VOS

Comparti

Gino Goeloe ta sali for di mundo di enfermeria y por sinti cu na Hospital y hasta na diferente parti di
mundo, tin scarsedad pa verpleging. Hospital mes ta haya dolor di cabes pa haya hende. Ademas di esey
cu nan a corta un tempo pa manda yen di hende cas, pero awo ta otro cuenta.

Segun Goeloe ta algo cu a ripara den opleiding, esta EPI, tin hopi hoben cu ta cabando den enfermeria,
riba diferente nivel, esta 3 y 4, pero tambe nivel 5, cu ta e HBOnan, cu tin cu bay Hulanda pa sigui studia.
Berdad a ripara cu tin un scarsedad di nivel 5, esta academico. Ta bon mes cu a sa cu luna pasa a haya
ocho graduado academico cu ta bay yuda den e caso aki, na Wit Gele Kruis, Hospital y tambe na
departamento di Gobierno. E enfermeronan di camber, falta di dje. EPI, hunto cu hospital ta trahando
hunto pa e scarsedad ey wordo yena. Tin cu yena e scarsedad ey pasobra ta bay den un hospital mas
grandi, mas amplio. Mester hende pa traha y den e caso aki, si papia cu e docentenan di EPI, den 2019
mester tin hende, sigur un 20 enfermera mas den nos hospital. Tin di compronde cu ainda e rekisitonan
no ta cla pa drenta. Mester pasa bijscholing. E acreditacion Hulandes mester tey. Segun Goeloe, door cu
tin cu traha cu un BIG registratie, cu ta algo cu nan ta traha cun’e aki na Aruba. Hopi di nan ta core stage
na Hospital, SABA, Wit Gele Kruis, etc. Hopi di e instancianan aki tin BIG Registratie, cu mester cumpli
cu cierto experticio. Esey ta pone cun’e cu yiunan di tera cu mester haya e experticio aki, un
specialisacion. Hopi biaha tin afdelingnan den hospital, manera ICU, na Eerste Hulp, Dialyse, cu tin
mester di experticio. Tin cu haci un scholing di 1 aña y mey, dependiendo di e scol, pa por yama bo mes
un specialista den e departamento ey. Eynan ta e parti unda cu tin scarsedad tambe, pero actualmente
hospital tin un plan di maneho, unda cu tin basta di nos yiunan di tera ta den opleiding pa esey. Sa cu tin
neurologie tin cu ta cabando e aña aki y como tambe den e parti di ICU y Eerste Hulp. Pa otro aña lo tin
un grupo di 8 pa 10 hende cu ta cabando, cu lo bay traha den e departamentonan ey, pa reforsa e
coleganan actual. Esey ta algo cu un biaha mas ta un plan di maneho cu ta duradero, pasobra kier educa
nos yiunan di tera, pasobra sa cu Aruba ta nan pais y nan ta bay keda Aruba pa traha y pa yuda e
pashentnan. Pesey actualmente ta trahando riba e plan di maneho pa mas experticio, pa e
departamentonan haya nan mas yiu di tera cu ta den e ramo ey.