Page 7 - AHATA JAN 4

Ley ta conta pa tur tipo di negoshi: AHATA ta sostene ley
contra saco di sushi y ta en espera di nan tasnan reuzabel

Tuesday, 03 January 2017 21:06
Comparti

Vanessa Rasmussen di AHATA ta miembro di e comision di medio ambiente y a splica pakico ta sostene
e ley contra saco di sushi. AHATA pa 5 decada ta ofrece balor na e miembrecia di e asociacion

, dunando servicio cu diferente area, riba educacion, business intelligence, advocacy, safety y tambe
medio ambiente. Un di e topiconan cu ta traha riba dje.

Tin un comision di medio ambiente pa mas di 18 aña caba y a traha den varios campaña di
concientisacion a base di tres R. Recicla, reduci y reuza.

10 aña pasa a traha un campaña riba saconan reuzabel unda cu a trece un cantidad grandi di saconan
reuzabel cu a wordo redistribui entre e miembronan y tambe comunidad

Aña pasa Parlamentario Donny Rasmijn y tambe Juliette Carvajal y Omar Perault y nan team, a acerca e
board of directors di AHATA y a presenta e ley con e ta hinca den otro y con por sosten’e. Di biaha
AHATA a demostra cu ta interesa pa ta un stakeholder cu ta sostene e ley aki y a traha riba e diseño di
nan reusable bag pa tin un opcion pa su miembronan cu ta desea di ta parti di e campaña di
concientisacion.

AHATA a keda cla cu e saconan reuzabel na November, aunke a tuma tiki tempo na Aruba, pero ta spera
cu pa otro siman e por yega pa asina distribui entre e miembronan cu nan a bestel caba e saconan
delanta, pa asina nan por distribui entre nan empleado y tambe entre e turistanan pa crea mas
awareness.

A haci un wishlist chikito entre e diferente negoshinan y a realisa den e ultimo simannan cu ainda falta
pa cierto negoshinan realisa cu nan tambe tin cu traha riba nan mesun reusable bags of otro opcionnan
pa asina nan duna servicio na nan clientenan.

Por ehempel e ley aki no ta solamente pa supermercado e tambe ta pa restaurant y pa tur sorto di vendor.
Snacktruck, clothing stores, retail. Esey ta algo cu mester wordo aclarea. A bay na dies restaurant y
puntra nan si nan ta prepara pa dia 1 di Januari y nan a bisa cu no. At least 6 di nan a bisa cu e ley no ta
cay pa nan. Esey ta e informacion cu tin cu yega na diferente negoshi.

Rasmussen ta desea di informa tur hende cu e ley pa e banning di plastick bags no ta solamente pa
supermercado. E ta pa tur sorto di vendor. Please encarecidamente AHATA ta pidi pa prepara pa reduci
plastick of otro maneranan pa asina por yuda nan clientenan. Tambe ta pidi publico pa yuda cu
implementacion di e ley aki. Si boso ta haya cu e negoshi ta ofrece boso e saco di plastick, nenge. Corda e
negoshi cu nan mester a stop di duna saco di plastick pa asina tur hende por duna un granito de arena. Si
nos tur duna un granito de arena, e ley aki ta un exito.