Page 2 - ARUBA BANK
P. 2
NINGUN HENDE NO POR
CORE CU PLACHINAN TRAHA
MAS
21 February, 2019, 7:31 pm
E fenomeno di plachinan cu no ta original, esta un plachi den forma di un pida papel, un
pida carton of un sticker ta bira ultimamente manera un free for all.
Segun vocero di Departamento di Impuesto, Meverly Romar, den añanan anterior, DIMP
tabata duna cierto clientenan un carta di permiso cu ta dunanan e autoridad pa nan mes
laga traha un plachi, si acaso no tin nan plachi di number den stock, of si acaso por
ehempel nan a horta nan plachi di number of nan tabata den un accidente y e plachi a
kibra y nan ta acudi na DIMP pa un plachi nobo.
Pa tanten cu ta laga traha e plachi nobo, tabata duna e clientenan aki un carta di permiso
cu ta duna nan e apoderacion pa nan por traha un plachi nan mes.
Pero esaki den transcurso di aña el a bira un Free for all. Tur hende a cuminsa pone
sticker riba nan auto. El a bira algo cu a bay completamente for di man.
