Page 17 - AWEMAINTA

Dialuna, 25 Februari 2019 AWEMainta 17

Roland Croes, Director di SETAR n’e Business Event

A mustra cu tecnologia ta move mas rapido cu bo ta kere

UN di e discursonan cu sigur a hala atencion durante e Business

Event di SETAR, tabata di su Director Roland Croes. Den minimo

di tempo, tecnolgia ta avansa y si bo no keda al tanto, e ta bay
lagabo. Asina p.e. den mundo di telecomunicacion, den lapso di 5

aña a perde 386 miyon dolar. Esey ta haci cu 2 pa 10% di negoshi
a bay atras.

Motibo di esaki t’e servicionan di mensahe manera Whatsup, Sky-

pe, Netflix, pa menciona djis algun.

Como compania nacional, pa bo sobrebibi, bo mester keda inverti

den tecnologia. Entre otro bo mester haci uso di e 5 principioan,
manera: Consistencia, Creatividad, Confiabilidad, Inovacion y

pensa semper riba bo clientele.

Segun Roland Croes e exito di SETAR, ta su propio hendenan. Bo
mester confia bo trahadornan, pesey ora di inverti, haci’e den nan.

Asina p.e. SETAR a bin ta crece ultimo aña. Na 2018, SETAR a

inverti 2 miyon compara loke a ser inverti na 201, cu awe SETAR a

genera mas entrada y tin un posicion financiero stabiel. Asina p.e.
sin bay den profundo, SETAR a anuncia algun inversion cu lo ser

haci e aña aki ainda. P.e. e 5G, cu e no tin fecha ainda, of mihor
bisa, Roland Croes no kier menciona e fecha exacto, pero hecho ta

cu poco-poco e productonan lo traha cu e sistema nobo aki. Keda

pendiente pa cu introduccion di 5G.

E otro orador di e anochi aki tabata Bryan Reese, kende ta un in-

ventor, entrepreneur, escritor, kende a ilustra con pa maneha e cam-
bionan, inspirabo pa inovacion y asina hibabo n’e siguiente decada.

El a papia hopi di su buki.

Organisadornan di e Business Event por wak atras riba un exitoso
evento, sigur!!!