Page 4 - KPA

6 AWEMainta Diamars, 7 Maart 2017

Presidente di Parlamento RECIENTEMENTE, Presidente di Parlamento,

drs. Mervin Wyatt-Ras tabatin un encuentro cu sr.
tabatin encuentro cu sr. Tilma Tilma, representante di Aruba pa cu Union Europeo

y representante di Groenland y sr. Mininnguaq Kleist, Minister Counsellor, proce-
dente di Groenland.

E tabata na Aruba pa participacion na reunionnan
di Overseas Countries and Territories (OCT). Por
bisa cu Groenland cu ta pertenece na Denamarca tin
caracteristicanan semehante na Aruba. Groenland ta
un isla. E ta e isla di mas grandi di mundo.

Apesar di esey su populacion ta solamente
56,480 (2013). E tin un Parlamento consistiendo
di 39 Parlamentario. Aruba ta ser considera como
trendsetter pa anda cu energia renobable.

Groenland a opta pa no ta den Union Europeo pa
proteha entre otro nan awanan teritorial y pesca.
Ta di importancia cooperacion cu otro pais pa logra
metanan importante.

Na e ocasion aki sr. Tilma a haci entrega di un
documento na Wyatt-Ras titula, “White paper of
the OCTA chair on Guiding Principles for a Future
Partnership” di e autor prof. dr. Flora Goudappel.

Accidente entre

dos pick-up

DIALUNA den oranan di mainta, un accidente a
sosode riba Avenida Watty Vos, caminda dos pick-
up tabata envolvi. Esaki tabata net dilanti di Aruba
Muffler Shop.

Falta di preferencia a pone cu e pick-up Mitsubishi
a dal contra e pick-up Isuzu. Ambos pick-up tabatin
basta daño material. E chauffeur di e Isuzu a sinti
dolor di lomba despues di e impacto, pero nada di
gravedad.

Homber ta maltrata

dama seriamente

DIALUNA den oranan di marduga, a bati alarma
pa un caso di maltrato serio cu a tuma luga na un
adres den Washington.

Polis a bay cu urgencia na dicho adres, unda a topa
cu un dama tur herida. A resulta cu un problema di
pareha a termina den e maltrato serio aki. E dama
a wordo transporta pa Hospital pa ricibi atencion
medico. E homber mes a bandona e sitio.