Page 42 - KPA

Helder a para uno, supuestamente el a pushe y el a keda grita cu Helder a
push’e. Helder no a resisti. A boei Helder y den e boeimento, Helder a bay
suave. Ta bon mes tur cos a bay bon. Un di e polisnan a bula riba dje riba su

lomba y un otro a bula riba su nek basta duro. Ainda e ta haya dolor di cabes
door di e operacion cu el a haci na su cabes, debi na e tumor cu e tabata tin,

manera menciona anteriormente. Ora cu a boei Helder, e tabata tende su
ruman ta bisa cu e no por hala rosea. Su nanishi tabata kibra, su cashi di wowo

tabata hincha, su wowo tabata cora y a bin di compronde cu un polis di rango
halto a bin haci tur e cosnan aki. E polis aki ta Aldrick Croes. E sa bon bon cu

den MMA no por haci e cosnan aki.
A hiba Helder y su ruman y un di e otro bringadonan tambe a wordo hiba
warda. For di eynan Helder a wak cara di su ruman y e otro persona tambe. Tur

dos tabata tin cara hincha.
E cos di mas tristo ta cu mayoria di hende sa cu polis no por drenta riba

propiedad priva of di hende, bin haci loke nan kier haci. Miho bisa e abuso cu
nan kier haci. Ningun hende no a resisti ni pusha. E otro colega di nan a grita cu

Helder a push’e, siendo cu e no ta asina. Si el a pusha berdad, e lo a haya mal
sla.

Helder no ta compronde dicon esaki a sosode.
E ruman, Giovanni, a splica cu un eror di un polis, desgracia mas pio a pasa,
ciendo cu por ta den e caso di nan, el a pasa cu golpi so. Esey tin cu purba di tin

mas comunicacion y drecha e foutnan ey. Esey no ta manera pa trata hende. Pa
un fout di un hende, por hasta mata.

Helder y su ruman a bay eerste hulp y for di eynan a haya rapport. Despues di
eynan, diamars a bay BIZO. Eynan tambe a duna declaracion kico a pasa. A

splica nan cu e polis ta train MMA y cu el a yega di train hunto cun’e. A pidi e
declaracion. Su abogado a splik’e cu tur cos cu wordo firma tin derecho di hay’e.

Un di e personanan na BIZO a bisa cu no lo hay’e pasobra ta publica esakinan
den prensa. Helder a wordo nenga dos biaha, un documento cu ta di dje, su
derecho. Esey ta algo hopi straño. E dia siguiente e ruman a bay pidi di dje y a

menciona cu ta bay abogado, mesora nan a dun’e di dje. Si haci un denuncia of
bay banco of algo otro, pidi loke bo firma. Esey ta bo prueba. Awe mañan nan

por cambia algo anto riba bo firma.