Page 18 - BNDIA ARUBA

A18 DEPORTE
Diamars 20 November 2018

Resultado Final Aruba Beach Tennis Open 2018

ORANJESTAD -
Diadomingo ultimo, a
yega su final e evento
mas grandi di deporte na
Aruba y alabes e evento
number uno di mundo,
esta Aruba Beach Tennis
Open 2018. Eagle Beach
un biaha mas a keda
chikito, cu sigur mas di 4
mil hende riba e anochi
final di e torneo aki, a
pone un record nobo pa
loke ta asistencia.
Despues di a experiencia
e wega di mas largo den
historia di beach tennis, cual
tabata e di dos semi final den
categoria masculino, nos por
duna inicio na e weganan
final riba center court. Den
e categoria femenino e ekipo
di Italia number 1, alabes
campeon mundial 2018, a bay
final contra di e ekipo forma
pa un Brasilero y Aleman. Ta
trata aki di Federica Bacchetta
(2) y Giulia Gasparri (2)
contra di Maraike Biglmaier
(5) y Rafaella Miiller (5).
Den 2 tremendo set Maraike
y Rafaella a bay cu e titulo di
campeon pa loke ta categoria
PRO Women’s Doubles. Un
momento hopi emocional,
ora cu despues di e partido
Federica Bacchetta, kende ta
un idolo den e deporte aki,
a anuncia cu esaki tabata si
ultimo partido, ya cu e lo
stop di practica esaki.
Pa loke ta categoria
masculino, Michele
Cappelletti, kende a gana den
2017 hunto cu Luca Carli,
a team up cu Alessandro
Calbucci pa purba retene su
titulo. Nan mester a enfrenta
e duo dinamico, di Tomasso
Giovannini di Italia y Nikita
Burmakin di Russia. Por a
wak di comienso cu nan 2
tabata e faborito, ya cu nan ta
a bataya pa mas cu 3 ora den
nan wega semi final. Despues
di a bataya, Nikita y Tomasso
a keda como campeon nan
nobo di e Aruba Beach
Tennis Open den e categoria
masculino. Asina aki tambe,
awe Beach Tennis, ta conoce
pa prome biaha den historia,
un hungado cu no ta di Italia,
na prome luga di e ranking
mundial, den nomber di
Nikita Tomasso
Asina e anochi e termina, cu
e ceremonia di entregamento
di premio y despues di esaki
a sigui cu e after party, cual
varios persona ta unicamente
bin e torneo aki pa presencia
esaki.