Page 100 - AHATA

Pais Den Un Situacion Hopi Serio, Segun Michael

Lampe: Carta Di CAFt A Keda Wanta Pa President Di

Parlamento

 Politica
- 26/09/2019

Tur indicacion ta duna cu e carta di CAFt a wordo manda mas prome, pero a keda wanta
dor di e President di Parlamento. Un carta cu ta indica claramente cu finansa di Gobierno
NO ta na ordo! Esaki ta declaracion di Parlamentario Michael Lampe reaccionando riba
locual ta tumando lugar den e dianan aki relaciona cu e situacion serio di Pais Aruba.

Claramente por a tuma nota con e Prome Minister di Pais Aruba no ta comunicando e
berdad cu pueblo.

Propagando pa mas di 2 aña caba un cos y realidad ta otro. Lampe ta di opinion cu pueblo
mester sa kico ta pasando.

Un comunicado di Prome Minister di e Gobierno aki informando cu su Gobierno, segun
CAFt, ta cumpli cu e normanan actual, mientras na mes momento un carta di CAFt ta
drenta pa contradeci esaki contundentemente.

Parlamentario Michael Lampe a enfatisa riba e carta di CAFt cu a keda wanta.