Page 62 - AHATA

E crisis financiero y economico di Aruba tin un impacto enorme na e mundo comercial di
Aruba, cu sigur ta e prome victima di e crisis cu ta afecta e base di negoshi cu ta
entrada pa e comerciante, pa e trahado, pa circulo comercial cu ta alma di e economia
di Aruba.

Cu e evento cu Camara di Comercio ta tene awe, dos punto importante cu semper
DIARIO a presenta ta bini dilanti.

Aruba Business Event ta bay duna guia na e comerciante local cu mester sobrevivi no
solamente e impacto financiero di e crisis di Aruba, pero tambe e resultadonan di
problemanan regional cu ta afecta Aruba hunto cu problemanan internacional cu ta
menasa mundo comercial internacional y asina tambe Aruba.

E tema di e evento ta cuadra cu e necesidad di comerciantenan di Aruba pa adapta nan
mes den situacionnan cu ta trece cambio den e planificacion.

E tema ta importante pasobra hasta sin crisis Aruba mester adapta su mes na
cambionan comercial mundial dor di entre otro e problemanan mara na traspaso di
comercial internacional di un generacion na otro.

Na diferente ocasion DIARIO a elabora riba e tema aki. E traspaso di un generacion cu
ta tuma luga actualmente ta nifica cu un suma total record ta wordo entrega dor di e
generacion saliente pa e generacion cu ta tuma mando empresarial mundial.

Vision comercial y conocemento di e comerciante riba e formanan pa atende cu retonan
importante, pa DIARIO semper ta un necesidad grandi y nos mester sostene e evento
di awe.

E segundo punto cu nos ta comparti sigur cu e evento ta enfasis cu lo bay wordo poni
riba uzo di Arubianismo pa yega na solucion. Informacionnan cu Camara di Comercio a
duna relaciona cu e evento ta indica cu Aruba lo wordo presenta como e herment pa
yega na solucion. Pues e comerciante local lo haya splicacion con pa haci uzo di loke

Aruba ta ofrece pa atende cu e retonan actual.

DIARIO semper a sostene e punto di salida cu den tur recuperacion, no por bandona e
esencia Arubano, cu a hunga un papel crucial den e desaroya di nos pais.